Qeydiyyat Daxil ol
Sayta giriş
Качественные бесплатные шаблоны dle скачать с сайта

Saytımıza mənəvi dəstək
olduğu üçün MURAD MM-ə
təşəkkürümüzü bildiririk!!!

Saytımıza mənəvi dəstək
olduğu üçün MURAD MM-ə
təşəkkürümüzü bildiririk!!!
Sevgi » Ana şeirləri » Ağla Ana!

Ağla Ana!

7-03-2014, 21:09
Müəllif: CavidanMM
Baxış sayı: 3334
Şərhlər: 5
Çap etmək
Qəlbim uşaq, özüm dədə yerində,
Ömrüm bilməm hansı vədə yerində.
Gözüm qan-yaş, rişələri dərində,
Ağla, ana, ağla, yetim qalmışam.

Boy atdığım bu dağ-dərə göz dağı,
Gözüm duman, seçə bilmir uzağı,
Köç eyləyib, boş qalıbdır otağı,
Ağla, ana, ağla, yetim qalmışam.

Görməmişdim, yetimliyin sərt üzün,
Gecə bildim ən günəşli gündüzün,
Milyon qat qəm, bircə qatdır şən üzüm,
Ağla, ana, ağla, yetim qalmışam.

Azad idim yüz qayğıdan maraqdan
Yapışmışdım qələm ilə varaqdan,
Qərib quşam, – baxan olsa uzaqdan,
Ağla, ana, ağla yetim qalmışam.

Ha çalışdım, dərd-qəmimi silkinəm,
Həsrət sıxdı, çirkinlərdən çirkinəm,
Nə olsun ki, ilk ovunam, ilkinəm,
Ağla, ana, ağla, yetim qalmışam.

Vaxtsız gəldi ayrılığın çaparı,
Arzu yarı, ömür yarı, bəxt yarı,
Göz dik yola, ha arzula, ha arı,
Ağla, ana, ağla yetim qalmışam.

Ağlım çaşıb, sinəm oddu qəhərdən,
Nələr çəkdim, bu axşamla səhərdən,
Qaçammadım yetim adlı zəhərdən,
Ağla, ana, ağla, yetim qalmışam.

Nə olsun ki, bütün gələn gedəsi,
Bal dadırdı şapalağı, hədəsi,
Mən də payam, ömrün hansı vədəsi,
Ağla, ana, ağla, yetim qalmışam.

Qoşa gözdüz, bəxt əyilib çaş qalıb,
Bahar ömrüm xəzan ötür, qış qalıb,
Evimizdə ata yeri boş qalıb
Ağla, ana, ağla, yetim qalmışam.

Müəllif:Sərdar Zeynal
/ SevgiDOLU.Biz
Reyting:
  
Siz saytda qeydiyyatdan keçməmisiniz. Biz məsləhət görürük ki,qeydiyyatdan keçəsiz və sayta öz adınızla daxil olasınız.
Şərhlər (5)
Şərh yazın
Adınız: *
e-mail: *
Mətni daxil edin:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi
Şifrə: Təhlükəsizlik kodunun təsviri üçün bu şəkildəki kodu daxil edin
yenilə, əgər kod görünmürsə
Şifrəni daxil edin: