Bir hədiyyə ver mənə

Bir hədiyyə ver mənə
Deyəcəyəm nə olsun.
Fərq etməz təzə olsun,
Fərq etməz köhnə olsun.
Arxasınca nə ürəyin qalsın,
nə gözün olsun.
Hər nə olursa olsun
Taki üzərində sənin əl izin olsun.
Bir öpücük ver istisini ömrüm boyu
dodağımda hiss edim.
Rəsmini ver hər baxanda canlandırım
otağımda hiss edim.
Ya saçından bir tük ver
Hər gün öpüm qoxlayım.
Saçınada qıymasan kəsib atdığın dırnağını ver
Ölənədək döş cibimdə saxlayım.
Şəhriyar Allahyaroğlu